اَعتبار علي جاگيراڻي
اعتبار علي جاگيراڻي
اَعتبار علي جاگيراڻي: سياسي ڪارڪن، صحافي ۽ ليکڪ ڪامريڊ اعتبار علي جاگيراڻي پھرين اپريل 1926ع تي تعلقي رتيديري جي هڪ ننڍڙي ڳوٺ ’ڇُٽو جاگيراڻي‘ لڳ ’جمعو اگھم‘ ۾ پيدا ٿيو. سندس والد مولوي دولت خان جاگيراڻي پنھنجي ڳوٺ جي مسجد جو پيش امام ۽ خطيب هو. اعتبار علي جاگيراڻيءَ سنڌي فائنل تائين تعليم حاصل ڪري، 1943ع ۾ علامه عنايت الله مشرقيءَ جي پارٽي ’خاڪسار تحريڪ‘ ۾ شامل ٿيو. ساڻس گڏ لاڙڪاڻي جو مشھور وڪيل ۽ اڳوڻو سفير عبدالرزاق سومرو به ’خاڪسار تحريڪ‘ ۾ شامل ٿيو. 30 جولاءِ 1946ع تي علامه عنايت الله مشرقيءَ جي چوڻ تي 3 لک خاڪسار گهنٽا گهر، چاندني چوڪ دهليءَ ۾ گڏ ٿيا ته انگريز حڪومت ان جلسي تي پابندي مڙهي هئي. پوليس ڪارروائيءَ ۾ ٻين خاڪسارن سان گڏ ڪامريڊ اعتبار علي جاگيراڻي ۽ مشھور اديب ۽ قديم آثارن جو ماهر تاج صحرائي به گرفتار ٿيا هئا. پاڪستان ٺھڻ وقت ڪامريڊ اعتبار علي جاگيراڻي دهليءَ جي قيد خاني ۾ بند هو. سندس قربانيءَ عيوض علامه عنايت الله مشرقي کيس ’جانباز‘ جو لقب ڏنو. 7 جنوري 1949ع تي ٻه سال قيد ڀوڳي، پنھنجي وطن پھتو ۽ اچي ڪامريڊ حيدر بخش جتوئيءَ جي ’هاري ڪميٽيءَ‘ ۾ شامل ٿيو. هن 1952ع ۾ رتيديري مان ’هاري‘ اخبار جاري ڪئي، جنھن جو پاڻ مئنيجنگ ايڊيٽر هو، جڏهن ته ذوالفقار راشدي ايڊيٽر هو. هن رتيديري شھر ۾ ’هاري پرنٽنگ پريس‘ جو بُنياد پڻ رکيو. ڪامريڊ اعتبار علي جاگيراڻيءَ 1970ع ۾ پ پ ۾ شامل ٿيو. عمر جي آخري حِصي ۾ هن پنھنجي آتم ڪھاڻي لِکي. سندس اُهو قلمي پورهيو ’شخصيت ۽ جدوجھد‘ جي نالي سان ڪتابي صورت ۾ ڇپيل آهي. 28 جون 2002ع تي دل جو دورو پوڻ سبب وفات ڪئي، وصيت موجب کيس رتيديري ۾ ’هاري‘ اَخبار جي دفتر ۾ دفن ڪيو ويو.
لفظ اعتبار علي جاگيراڻيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1926.04.01 عيسوي
سياسي ڪارڪن، صحافي ۽ ليکڪ ڪامريڊ اعتبار علي جاگيراڻي پھرين اپريل 1926ع تي تعلقي رتيديري جي هڪ ننڍڙي ڳوٺ ’ڇُٽو جاگيراڻي‘ لڳ ’جمعو اگھم‘ ۾ پيدا ٿيو.
2002.06.28 عيسوي
اَعتبار علي جاگيراڻي 28 جون 2002ع تي دل جو دورو پوڻ سبب وفات ڪئي، وصيت موجب کيس رتيديري ۾ ’هاري‘ اَخبار جي دفتر ۾ دفن ڪيو ويو.
شخصيتون - ڀاڱي جون ٻِيون داخلائون
سيد نظر حسين شاه نقويپير ڇٽو
دائود بلوچ
سنت وسڻ شاهه
چندر پٽ سيلائج
جهانگيرعباسي
آڏواڻي رام ڪرشن ھيرانند راھي
خليفو حاجي عبدالله
شاهد علي خان استاد ستار نواز
ثمينه پيرزاده